Voting Ki Sharee Hesiyat

Want create site? Find Free WordPress Themes and plugins.

SUWAL:

Voting Ki Sharee Hesiyat:

Suba Gujarat Ke Maqami Election Me Muslim Biradari Ke Votero Ne Bjp Party Ko Vot Diya He, Jabke Congress Or Dusri Partiyo Me Jin Muslimo Ne Vot Diya He Wo Musalman Bhajpa Ko Vot Dene Wale Muslimo Ko Kehte He Ke Tum Islam Se Kharij (Bahar) Hogaye,

Tumko Dobarah Islam Me Dakhil Hone Ke Liye Kalma Padhna Padega, Or Sath Me Zalil Bhi Karte He.

To Kya Congress Ke Alawa Dusri Partiyo Ko Vote Dene Se Islam Mana Karta He? Halake  Sabhi Ummidwar Dusri Jamat Yani Ger Muslim The, Ham Log Dusri Partiyo Ke Aadmiyo Ko Achhchhi Tarah Pehchante He, Or Akhiri 10 Sal Se Barabar Aazma Chuke He, Ke Kon Achhchhe Bure Waqt Me Sath Deta He,

Jabke Congress Ko Akhiri 50 Sal Se Aazma Chuke He, Unhone Aaj Tak Be-Itmenani, Rishwat Khori Or Muslim Samaj Ko Dusri Komo Ke Sath Ladane, Sharab Ke Adde, Juwwa Jese Dusre Kam Ko Khub Taraqqi Di He, Wo Kom Ke Logo Ko Bure Banane Me Mahir He.

To Aap Sahib Quran E Paak Ki Roshni Me Bjp Ke Numainde Ko Vote De Sakte He Ke Nahi? Iska Jawab De.

AL-JAWAB

Voting Ki Sharee Hesiyat:

Hindustan Ki Log Sabha, Raj Sabha Ya Makami Vidhan Sabha Ke Election Me Bjp Ko Vote Dena Ya Congress Ki Kisi Dusri Party Ya Numainde Ko Vote Dena, Ye Vote Dene Wale Ki Apni Ray Par Mokuf He, Voting Haqq Ka Istemal Karna Chahye, Magar Uske Liye Shariyat Hamari Kya Rehnumai Karti He, Wo Sab Se Pehle Janna Chahye,

Uske Janne Ke Baad Aap Khud Hi Fesla Kar Lenge Ke Jinhone Congress Ko Vote Diya He Wo Ya Jinhone Bjp Ya Kisi Dusri Party Ko Vote Diya He Wo Gunehgar He Ya Nahi ?

SIYASAT KI AHMIYAT

Deen Ko Jo Log Sirf Aqaaid, Namaz Or Roze Tak Hi Mehdud Rakhte He Or Rizq, Tijarat Or Siyasat Ko Deen Se Bahar Samajte He, Asal Me Wahi Sahi Nahi.

Islam Ek Mukammal Aali Mazhab He, Quran E Paak Or Hadis Shareef Me Har Chiz Ke Liye Rehnumai Mojud He, Jisko Ham Apne Dunyawi Mafad Ke Liye Dekhte Nahi He.

Huzur S.A.W. Par Wahi Nazil Hoti Thi, Lekin Uske Bawjud Baaz Aham [Importent] Maqamat Masala : Jange Badr, Jange Uhad, Azan Ka Ijra {Chalu Karna] Wagerah Me Sahaba E Kiram Rd. Se Unki Ray Daryaft Karte The, Or Uspar Amal Karte The.

Hazrat Umar Rd. Apne Bad Khilafat Yani Islami Siyasat Ke Liye Kise Muqarrar Kiya Jaye, Uske Liye 6 Name Diye The, Or Hazrat Abdurrahman Bin Auf Rd. Ne Logo Ki Ray Malum Karke Hazrat Usman Rd. Ko Khalifa Banaya Tha, Us Se To Aap Na-Waqif Nahi Hoge,

VOT KI 3 HESIYAT

Islami Nuqta Nazar Se Vote Ki 3 Hesiyat He, (1) Shahadat [Gawahi] (2) Sifarish (3) Vakalat

Or In Teeno Ko Quran E Paak Or Hadis Shareef Me Tafseel Se Bataya Gaya He.

(1) Pehli Hesiyat Shahadat [Gawahi] : Yani Vot Denewala Jisko Vot De Raha He, Wo Uske Liye Gawahi De Raha He Ke Mazkurah Numainda [ Party Ka Aadmi ] Ya Party Hukoomat Ke Kam Karne Ke Liye Mukammal Ahliyat Rakhta He,

Ab Agar Wo Hakikat Me Ahliyat Rakhta He To Noorun Ala Noor, Wo Shahadat Ada Karne Me Rast Baz [ Sachcha ] He, Or Agar Khuda Na Khasta Nahi He To Ye Shahadat Jhuti He, Or Jiski Wajah Se Wo Gunah E Kabira Ka Murtakib Huwa He, Bukhari Shareef Ki 1 Hadis Me Huzur S.A.W. Ne Jhuti Shahadat Ko Shirk Ke Sath Kabirah Gunah Me Shumar Kiya He.

(2) Dusri Hesiyat Sifarish : Yani Vot Dene Wala Vot Dekar Sifarish Karta He, Ke Mazkurah Numainda Ya Party Hukumat Karne Ki Haqdar He, To Ab Esi Sifarish Ke Liye Quran Kya Kehta He Wo Dekhna Chahye, Surah Nisaa Ki Aayat No.85 Ka Matlab Or Mafhoom Ye He Ke Jo Shakhs Achhchhi Sifarish Karta He, Usme Usko Bhi Hissa Milta He, Or Buri Sifarish Karta He To Uski Burai Me Uska Bhi Hissa Lagta He,

Achhchhi Sifarish Yahi He Ke Qabil Or Diyanatdar Aadmi Ki Sifarish Kare, Jo Khuda Ki Makhluq Ke Huqooq Sahi Tor Par Ada Kare, Or Buri Sifarish Ye He Ke Na-Ahal Na-Layiq Fasiq Zalim Ki Sifarish Karke Usko Khuda Ki Makhluq Par Musallat Kare,

Is Se Malum Huwa Ke Hamare Voto Se Kamiyab Hone Wala Ummeedwar Apne 5 Saal Ke Dor Me Jo Nek Ya Achhchha Amal Karega Ham Bhi Uske Shareek Samje Jayenge.

(3) Ab Baki Tisri Hesiyat Vakalat : Yani Aapka Power Wala Hona Yani Hukoomat Or Mulk Ne Hame Ikhtiyar Diya He Ke Hukoomat Chalane Ke Liye Or Qom Ke Kam Karne Ke Liye Aap Apna Numainda Ya Vakil Muntakhab [Pasand] Kijiye, Is Liye Hamne Is Aadmi Ya Party Ko Apna Numainda Banaya He,

To Ab Ye Aadmi Hukumat Ya Mulk Ko Jo Faida Pohnchayega Ya Nuqsan Karega, Hamara Numainda Or Vakil Hone Ki Wajah Se Sawab Ya Gunah Me Ham Bhi Shareek Honge.

VOTING SHARIYAT KE DAYRE ME KARE

Upar Bayan Ki Gayi Sharee Rehnumai Ko Samne Rakhte Huwe Sab Se Pehle To Numainda Me Or Hindustan Me Asal Etebar Party Ka Hota He, Is Liye Party Me Gor Karna Chahye, Party Ke Usool Or Zabte Or Party Ke Mazi [ Pichhle ] Karname Samne Rakhkar Voting Karne Chahye,

Agar Is Rehnumai Ko Balaye Taq Rakhdi Jaye Or Apni Marzi Or Zabte Ko Samne Rakhkar Voting Ki Jaye To Sharan Gunehgar Honge, Or Allah Ke Samne Bhi Jawab Dena Padega, Jo Har Insane Ke Deli Halat Ko Ham Se Zyada Achhchhi Tarah Janta He.

VOTING KE PAISE LENA HARAM HE OR VOTING NA KARNA BHI GUNAH HE

Hazrat Mufti Kifaytullah Sahib Rh. Ke Fatawa Me Likha He Ke Ray Dene Walo Par Farz He Ke Wo Us Shakhs Ki Ray De Jo Nek Or Samajdar Or Mulk Or Kom Ka Khair Khwah Ho, Rupye Lekar Ger Mustahiq Ko Ray Dena Haram Or Mulk Or Kom Ki Khiyanat V Gaddari He. [ Kifayatul Mufti :9/374 ]

Hazrat Aqdas Mufti Muhammed Shafi Sahib Deobandi ‘’ Jawahirul Fiqh ‘’ Me Likhte He Ke Jis Halqe Me Chand Ummeedwar Khade Ho, Or Voter Ko Ye Malum He Ke Qabiliyat Or Diyanat Ke Etebar Se Fulana Aadmi Qabile Tarjih [Dene Layiq ] He To Usko Chhodkar Kisi Dusre Ko Vot Dena Us Akbar E Kabair [Sab Se Bada Gunah ] Me Apne Aapko Mubtala Karna He,

Ab Vot Dene Wala Apni Aakhirat Or Anjam Ko Dekhkar Vot De, Mahaz Rasmi Muruwwat Ya Kisi Tama [ Lalach ] Ya Khof Ki Wajah Se Apne Aapko Is Wabal Me Mubtala Na Kare. [ Jawahirul Fiqh : 2 / 298 ] Aage Page No. 300 Par Khula Likha He,

Wo Ye He Ke Intekhab Me Vot Ki Sharee Hesiyat Kam Se Kam Ek Shahadat [ Gawahi ] Ki He, Jiska Chhupana Bhi Haram He, Or Usme Jhut Bolna Bhi Haram He, Is Par Koi Muawaza Lena Bhi Haram He, Usme Mahaz Ek Siyasi Haar – Jeet Or Duniya Ka Khel Samajna Badi Bhari Galati He.

KISIKO KAFIR KEHNA KHATARNAK AMAL HE
KHARAB HALAT ME VOT KISE DE

Jin Muslimo Ne Bjp Ko Vot Diya He Unke Liye Esa Kehna Ke Aap Islam Se Kharij [ Bahar ] Hogaye He, Phir Se Kalmia Padhna Padega, Esa Kehna Ye Islami Taalim Ke Bilkul Khilaf Or Galat Ilzam Lagana He,

Lihaza Esa Kehne Wale Sharee Etebar Se Gunehgar He, Unko Taubah Karni Chahye, Chhoti Chhoti Bato Me Kufr Ya Khatme Imaan Ka Hukm Lagana Islam Me Bohot Hi Khatarnak Shumar Kiya Gaya He, Hadis Shareef Me He Ke الكفر كله ملة واحدة  Yani Tamam Ger Islami Partiya Barabar Hi He,

Islam Ke Liye Kisko Muhabbat Ho Sakti He, Is Liye Koi Party Musalmano Ki Mukammal Muwafaqat [ Barabari ] Karegi Bohot Mushkil He, Esi Halat Me Shariyat Ne Ek Dusra Usool Bataya He من ابتلي ببليتين فليختار اهونهما  Yani Jo 2 Musibat Me Mubtala Hojaye To Kam Musibat Wale Ko Ikhtiyar Kare,

Yani Ek Taraf Sanp Ho Or Dusri Taraf Bichhchhu Ho To Bichhu Ko Pasand Kare, Kam Se Kam Jan To Bach Jayegi, To Is Waqt Is Par Amal Karna Chahye,

Hazrat Aqdas Mufti Mahmood Sahib Gangohi Rh. Ke Fatawa Me He Ke Is Jamhuri Mulk Me Vot Islam Or Kufr Ki Buniyad Par Nahi Diye Jate, Nahi Is Buniyad Par Election Ladaye Jate He,

Jis Shakhs Ke Mutallik Ye Ummeed Ho Ke Wo Sahi Khidmat Karega, Nafa Pohnchayega, Huqooq Dilwayega, Zulm Rokega Usko Vot Diya Jaye, Jis Party Ke Mutalliq Ye Ummeed Ho Us Party Ko Vot Diya Jaye.

Fatwa By :
[ Shaikhul Hadis, Aarif Billah, Khalifa E Ajal Sheikh Zakariya N.M. Hazrat Mufti Ismail Sahib Kachholwi D.B. ]

hazrat mufti sahab ka fatwa urdu me

vvot

vvot-gif002

 

vvot-gif003

Subscribe Zarur Kare….
Did you find apk for android? You can find new Free Android Games and apps.
Top