Paakiza Zindagi (Ha.Aqdas Mufti Ahmed SB Khanpuri DB)

Want create site? Find Free WordPress Themes and plugins.

Hazrat Aqdas Mufti Ahmed Sahab Khanpuri DB Ki Zindagi Ke Sunehri Halaat.

Roman Typing: ℳuhmmad Zuber Wadiwala

Makhhoz Az: Mahmoodul Fatawa

Zere Nigrani:
Hazrat Mufti Ubaidullah sahab Maniyar D.B.

 

(1) WILAADAT
Hazrat Mufti sahab ki Paidaish 27 Shawwal 1365 hijri, ba mutabiq 24 September 1946, baroz mangal ko raat 10 baje Khanpur (jo Jambisar se 8 KM par Bharuch) me hai huyi
(2) WAALID E MOHTARAM
Hazrat Mufti Saahab Ke Walid Saahab Ka Naam Muhammad Tha. Aalim Nahi the Magar Rozah Namaz Aur Tahajjud Ke Paband, Ek Dindar Insan the. Shaikhul Islam Hazrat Molana Husain Ahmed Madni R.H. Se Bait the Bachpan Me Khud Hazrat Mufti Sahab Ne Bhi Hazrat Madni R.h Ki Ziyarat Ki he. Hazrat Mufti Saahab Ke Walid Sahab Ko Fanne Hisab Aur Gujarati Zubaan Me Mahaarat Haasil Thi, Muta Addad(Alag Alag) Jagho Me School Me Tichar Ki Hesiyat Se khidmat Karte rahe, Aakhir Me Khaanpur Me Ladkiyo Ke School Me Maastar the, Muddate Khidmat Puri Hone Ke Bad Ritayard Ho Gaye. Hazrat Mufti Saahab Ke Walid Sahab Tarbiyat Ke Mu’amalah Me Sakht the, Apne Bachcho Ki Tarbiyat Ka Yeh Haal tha Ke Sham Ke Khane Ke Waqt Sab Bachcho Ko Dastarkhwan Par Baithate the, Khana Nikalne Se Pehle Masnoon Dua e Aur Namaz Ka Tariqah Sunte fir Khana Nikalne Ka Hukm Farmate. Hazrat Mufti Sahab Ke Walid Sahab Ki Tarbiyat Ki Wajah Se Bachpan Hi Se Hazrat Mufti Sahab Tahajjud Ke Aadi Ho Gaye the,Tarbiyat Ke Mu’amalah Me Sakht the,Hazrat Mufti Sahab Ki Tarbiyat Aur Deeni Zahan Banane Me Unki Sakhti Ke Ajeeb Qisse Hain.
(3) TARBIYAT
Bachpan Hi Se Walid Sahab Ne Namaz Ka Paband Bana Diya Tha, Ek Roz Yeh Waqiyah Paish Aaya Ke Isha Ki Namaz Ke Baad Masjid Se Baahar Nikle To Dekha Ke Chappal Nahin hai, Aap Thodi Der Thahar Gaye Ke Shayad Koi Bhool Se Chappal Pahan Gaya Hoga, Ahsas Hoga To Wapas Aa kar Rakh Dega. Albattah Ek Chappal Rakhi Huyi Thi Jo Aap Ke Chappal Ki Tarah Thi, Jis Se Shubah Hota Tha Ke Shayad Isee Ka Maalik Pahan Gaya Hoga, Fir Bhi Aap Ne Mazeed Ehtiyat Yeh Kiya Ke Jab Tamaam Musalli Masjid Se Bahar Nikal Jaaye Fir Koi Baat Tay Karun. Chunanche Tamaam Musalli Ke Nikalne Tak Intezar Me Baithe rahe, Jab Puri Masjid Khali Ho chuki, Ek Bhi Musalli Baaki Na Raha,To Jo Shuba Paida Huva Tha Usme Pukhtagi Paida Huyi, Aur Yaqeen Kar Liya Ke Jo Chappal Rakhi Huyi Hai Uska Malik Meri Chappal Pahan Gaya Hai, Isee Buniyad Par Aap Ne Woh Chappal Pahan Li. Jab Ghar Pahonche Aur Walid Sahab Ko Paish Aane Wale Waqiah Ka Ilm Huwa To Farmaya Ke Jab Uska Maalik Aayega Aur Chappal Talash Karega, Na Paa Kar Pareshan Hoga, Iski Kya Guaranty Ke Tumhari Chappal Wohi Shakhsh Pahan Gaya Hai, Bahar Haal Pahne Chappal Wapas Kiya Aur Masjid Jaa Kar Chappal Chhod Aane Ka hukm Sadir Farmaya
(4) NA-JAIZ CHAPPAL-JUTE PAHANNE ME AHTIYAT
Tajaruba Hai Ke Bachpan Ki Talim Wa Tarbiyat Ka Asar Zindagi Bhar Rehta Hai, Bachpan Ki Is Talim Wa Tarbiyat Ka Asar Kehna Chahiye Ki Ek Martaba Dabhel Se Devband Jaate Huve Hazrat Mufti Sahab Dehli Me Haji Mansoor Sahab Ke Makan Me Muqeem The, Haji Mansur Sahab Fakihul Ummat Hazrat Mufti Mahmud Hasan Gangohi R.h Ke Khususi Mezban Hai, Hazrat Fakihul Ummat R.H Ki Khidmt Me Aane Jaane Wale Mehmano Ke Liye Inka Makaan Aaram Deh Sabit Hota, Aur Woh Khub Khidmat Karte. Chand Roz Ke Baad Mufti A.qayum Sahab Rajkoti D.B Ko Devband Ke Safar Me Haji Mansoor Sahab Ke Muqam Par Qiyaam Ki Naubat Aayi, Is Waqt Haji Mansoor Sahab Ne Sunaya Ki Ek Martaba Hazrat Mufti Sahab Ne Jo Jute (shoes) Pehne Huve The Woh Jute Suvar (pig, khinzeer) Ke Chamde Se Banaye Gaye The, Unko Pataa Nahi Tha, Bataya Ki Yeh To Suvar Ke Chamde Se Bane Hain, To Fauran Nikal Diye, Aur Dusre Jute Ya Chappal Pahan Liye. Halaa Ki Woh Jute Bahot Qimti Aur Baahar Ke Kisi Mulk (foreign) Ke Bane Huve The, Lekin Jab Ilm Huva To Ek Gadhi (Second) Bhi Aise Na-Jaiz Jute Ko Pahenna Gawara Na Kiya.
(5) Raat Bhar Ghar Ki Chaukhat Par Guzari
Hazrat Mufti Sahab Ke Walid Sahab Ki Sakhti Ka Waqiya, Bachcho Ko Aawara Gardi Se Bachane Ke Liye Walid sahab Ne Iska Paband Bana diya Tha Ke Isha Ke Baad Jald Ghar Aana Har Chhote Bade Ke Liye Lazim Tha Mukarrarah Waqt (Fixed Time) Per Ghar Ka Darwazah Bandh Kar Dete The. Bachpan Me Ittifak Se Ek Din Raat Ko Hazrat Mufti Sahab Ghar Der Se Pahoche, Dekha Ke Darwazah Bandh Ho Chuka He, Darwaze Par Dastak Di, Kisi Ne Nahi Khola, Aap Ki Walida Aur Bhai Behno Mese Kisi Ki Himmat Na Thi Ke Walid Sahab Ke Ishare Ke Bagair Darwaza Khole, Hazrat Mufti Sahab Ne Baar Baar Darwaze Par Dastak Di Magar Kisi Ne Darwaza Nahin Khola; Chunanche Poori Raat Ghar Ki Chaukhat Par Pade Rehna Pada, Subah Ki Namaz Baad Ghar Me Dakhil Hone Ki Ijazat Mili.
(6) Walid e Mohtaram ki Deendari
Hazrat Mufti Sahab Ke Walid Sahab Ki Ma’ashi (Karobari,Tajarati) Haalat Mutawassit (darmiyani) Darajah Ki Thi, School Teacher Jab Tak Rahe School Ki Tankhwa Aur Baad Me Pension Par Guzara Tha, Fir Bhi Allah Ta’ala Ne Inko Aisi Haalat Me Bhi 1967 Me Hajj e Baitullah Ki Ziyarat Nasib Farmayi
(7) Walid e Mohtaram ka Hajj
Is Hajj Ke Safar Me Hazrat Mufti Sahab Ke Walid Sahab Ne Apni Aulad Ke Liye Khub Dua o Ka Ahtimam Kiya, Un Dua O Mese Ek Dua Jo baitullah Sharif Ke Saye Me Ki Woh Yeh Thi Ke “Ya Allah Meri Tamam Aulad Ko Hajj Ki Sa’adat Nasib Farma” In Ki Dua Alhamdulillah Qubul Huyi Aur Tamam Aulad Ko Hajj Ki Taufik Huyi, Haala Ke Jis Waqt Dua Ki Gayi Thi Us Waqt Unki Maali Haalat Ke Eatebar Se Door Door Ka Tasavvur Bhi Nahin Kiya Jaa Sakta Tha Ke Aulad Me Se Koi Hajj Ka Safar Kar Sake, Lekin Hajj Ka Safar Bande Ki Dast o Baazu Aur Tadbiro Ka Nahin Hota Balke Taufik E Khudawandi Ka Hota Hai.
(8) Walid e Mohtaram ki Dua ki Tasir
Hazrat Mufti Sahab Ke Haq Me Walid Sahab Ki Dua To Asi Qubul Huyi Ke Hazrat Mufti Sahab Ko Hajj Ki Sa’adat Bhai Behno Me Sab Se Ziyadah Hasil Huyi, Balki 1427 Hijri Me Eajaz Va Ikram Ke Saath Baitullah Sharif Me Sunnat Tariqah Ke Mutabik Jin Sutoon Ke Darmiyan Huzur ﷺ Ne Fatah e Makka Ke Mauke Par Namaz Padhi Thi Usi Jagah Baitullah Sharif Ke Andar Namaz Ki Sadat va Taufik Huyi
(9) Walid Sahab Ka Intikaal
Hazrat Mufti Sahab Ke Walid Sahab Ka Intikaal 1968 Me Khanpur Me Huva Intiqal Jum’ah Ke Din Huva Jiski Woh Tamanna Aur Logo Se Dua Ki Gujarish Karte The, Walid Sahab Ke Intikaal Ke Ba’ad Ta’aziyat Ke Taur Par Molana Ismail Bhai Ji Sahab Ne Ek Khat Hazrat Mufti Sahab Ke Naam Likha Tha Jiska Ibtidayi Hissah Yeh Hai “Walid Sahab Ki Maut Yaqeenan Ek Aisi Maut Hai Ke Rashq Kiya Jaye, Kyun Ke Ek To Jum’ah Ka din Jis Din Ke Intikaal Par Magfirat Ka Wa’ada, Dusra Subah Ka Sunehra Waqt, Aur Fir Sab Se Badi Baat To Yeh Hai Ke Maut Tak Ek Bhi Namaz Qaza Nahin Huyi”. (Kam Se Kam Teen Baar Surah e Ikhlas Padh Kar Isaale Sawab Karne Ki Aap Sab Se Aajizan Guzarish hai).
(10) IBTIDAYI TA'ALIM
Hazrat Mufti Sahab Ne Ibtidayi Deeni Aur Duniyavi Ta’alim Watan Khanpur Ke Maktab Me In Ustazo Se Haasil Ki:Takhti, Qaidah — Hafiz Ibhrahim Qazi sahab. Pare Amm, Aur Kuchh Nazerah — Hafiz Husain Sahab Khanpuri. Qur’an Sharif Nazerah Aur Urdu Ki Ibtidayi Kitab — Molana Muhammad Ismail Tankarvi.  Hazrat Mufti Sahab Ke Walid Sahab Ka Shuru Hi Se Deeni Ta’alim Dilane Ke Faislah Tha, Jis Din Nazerah Qur’an Sharif Khatm Huva Us Din Ghar Me Khushi Ka Mahol Chha Gaya, Aur Ba Qayda Kheer Aur Halwa Pakane Ka Hukm Diya Jis Se Aap Ki Hosla Afzayi Maqsud Thi.
(11) Ibtidayi Dunyavi Ta'alim
Hazrat Mufti Sahab Ne School ki poori ta’alim ibtida se 7 class tak khanpur me hasil ki, Aap ke walid sahab r.h khud ek mahir mastar the, kayi saal tak ladkiyo ki school me padha ne ka tajarba tha, School ke lession khud apni nigrani me karate,
Pahade(Tables) zubani sunte, ba’az martaba kisi mashguli me school jaane me der ho jaati to us zamane ke qadar daan master sahiban aap ko bulane ke liye school ke dusre student ko aap ke ghar bhejte woh student jab aakar dekhte ke aap apne walid sahab ke paas sikh rahe hain, walid sahab ke nirale andaz shigufta bayaani se aane wale mutassir hote. Natijah yeh hota ke aap ko lene aane wale student khud un asbaak (lectures) me sharik ho jaate..Hazrat Mufti Sahab ne jin master sahiban se padha unke naam yeh hain : (1) Master Hasan Sahab jo rishte me aap ke khalu bhi hain.   (2) Master Muhammad Musa Khanpuri.  (3) Master Ismail Ahmed Patel. Hazrat Mufti Sahab sato (7) class me meayari numberat se kamiyab huve, satvi (seventh) class ka imtihan jambusar school me diya, us daur me satvi ka imtihan fainal ka darajah rakhta tha 7 ke imtihan ke baad sarkari mulazimat bhi mil sakti thi.
(12) Ibtiday Ta'alim Ke Ba'ad
Hazrat Mufti Sahab ne Khanpur me qaidah, Qur’an sharif aur urdu ki ibtidayi ta’alim va tarbiyat hasil karne ke ba’ad jab school ki ta’alim ki takmil ka marhala aaya to Hazrat Mufti Sahab ke bade bhai Janab Ibhrahim Sahab ne aap ko ahamdabad le jana chaha, bade bhai dunyavi ta’alim yafta the woh ahamdabad me muqeem the aur ek thekedaar hone ki haisiyat se makan banwa ne ka kaam karte the, Bade bhai ka iradah dunyavi ta’alim me aage badhane ka tha chunanche unhone apne walid sahab se ba israr kahaa ke ahmed ko ahamdabad bhej do me isko angrezi padhana chahta hun.
(13)
(14)
(15)
(16)

 

 

Did you find apk for android? You can find new Free Android Games and apps.

Leave a Reply

Top