Masjido Me CC TV CAMERA Lagana Jaiz He Ya Nahi?

Want create site? Find Free WordPress Themes and plugins.

Aaj Kal Jo Cc Tv Camera Masjid Or Madreso Me Checking Or Qanuni Karwahi Ke Liye Lagaye Jate He, Is Masle Me Ulama E Kiram Ka Aapas Me Ikhtelaf He, Darul Uloom Deoband, Mazahirul Uloom Saharanpoor, Jamia Dabhel, Jamiatul Uloomul Islamia Allama Binnori Town, Jamia Farooqia, Jamia Khulafa E Rashideen Or Dusre Madras Ke Muftiyane Kiram Ke Nazdik Mutlaqan (Bilkul) Tasweer Haram He, Jis Me Digital Tasweer Bhi Shamil He, Jabke Mufti E Aazam Pakistan Mufti Muhammad Rafee Usmani D.B., Shaikhul Islam Mufti Muhammad Taqi Usmani D.B. Ke Alawa Darul Uloom Karchi, Jamia Binnoria Al-Aalamia, Jamiatu-R-Rashid Or Kai Madrese Ke Mazbut Muftiyane Kiram Or Hindustan Se Hazrat Moulana Khalid Saifullah Rahmani D.B. Wagera Ki Ray Ye He Ke Digital Camera Se Khinchi Gai Tasweer Ek Electronic Chhap Or Naqsha He, Ye Tasweer Ke Hukm Me Nahi He, Lihaza Jaiz He, Albatta  Iska Print Out Nikala Jaye To Ab Ye Tasweer Hi Kehlayega, Is Bat Se Kisi Ko Inkar Nahi He Ke, Hifazat (Checking) Karne Me Camera Ko Khas Ehmiyat Hasil He, Kisi Insan Ko Hifazat Me Lagane Se Cc Tv Camera Bohot Zyada Behtar He,

Mohkama Police Ke Bayan Ke Mutabiq Jin Ilako Me Camera Lagaye Gaye He Un Ilako Me Chori Or Dusre Hadse Me Kafi Kami Mehsus Hui He, Or Agar Hadsa Ho Bhi Jata He To Mujrimo Tak Pohnchna Aasan Ho Jata He, Adulate Bhi In Camera Me Save Hui Video Ko Subut Manti He, Bade Shahro Me Khud Police Makhsus Jagho Par Camera Lagane Ka Mashwera Deti He Or Kabhi Hukm Bhi Karti He, Khas Tor Par Mazhabi Maqamat Par Tajruba He Ke Choro Or Mujrimo Ke Liye Masjido Ki Chanda Peti Se Raqam Chori Karna, Musalli Hazrat Ke Jute Chappal Par Hath Saf Karna, Jamat Ki Namaz Me Sajde Me Gaye Musalliyo Ke Zamin Par Rakhe Mobile Chori Karna Wagera, Magar Jab Se Cc Tv Camera Name Wali Tisri Aankh Lagai Gai, Masjido Ki Chanda Peti, Musalli Hazrat Ke Mobile Is Tarah Jute Chappal Mehfuz Hogaye,

In Sab Chizo Se Badhkar Ye Ke Aaj Kal Jis Tarah Ke Khatarnak Halat Mulk Me Chal Rahe He Ke Masjido Or Ibadat Khano Me Ghus Kar Shararat Ki Jaa Rahi He, Balke Marpit Ke Waqiat Samne Aa Rahe He, In Waqiat Ke Bad Awam Ki Taraf Se Mobile Ke Camera Me Mehfuz Video Ke Zarye Hi Un Tak Pohnchna Aasan Huwa He, Lihaza Deeni Or In Jesi Dunyawi Zarurato Ki Khatir Un Hazrat Ki Ray Par Amal Ki Gunjaish Hogi Jo Digital Camera Ki Tasweer Ko Jaiz Kehte He.

Ye Esa Hi He Jesa Ke Majburi Me Print Tasweer Ke Tamam Qail He (Jaiz Kehte He) Jaise Passport Or Dusri Sarkari Kagzat Ke Liye Tasweer Khinchana.

Al-Batta Shok Me Foto Khinchwana Jaise Shadi Biyah Or Dusre Program Me Video Banana Or Whatsapp, Facebook Wagera Par Upload Karne Ki Ijazat Na Hogi, Is Waqt Un Hazrat Ki Bat Par Amal Kiya Jayega Jo Digital Camera Ki Tasweer Ko Bhi Na-Jaiz Kehte He.

(Ye Masla Mufti Junaid Sahib Ke Urdu Masle Se Lekar Aasan Kiya Gaya He Take Awam Ko Samajne Me Aasan Ho)

Did you find apk for android? You can find new Free Android Games and apps.

Leave a Reply

Top