KYA BLOOD BANK JAIZ HE ?

Want create site? Find Free WordPress Themes and plugins.

KYA BLOOD BANK JAIZ HE ?

Khun Insan Ke Jism Ka Ek Aham Hissa He, Jis Par Zindagi Ka Daromadar Rehta He, Agar Kisi Insan Ko Khun Ki Zarurat Par Jaye To Esi Majburi Me Chahe Wo Musalman Ho Ya Or Koi Mazhab Ka Ek Dusre Ko Khun Dena Or Lena Jaiz He, Ab Esi Majburiya Achanak Bhi Paida Hojati He, Or Khun Ki Bohot Zyada Zarurat Rehti He, Jaise Rail Ke Accident Ke Waqt Me, Ya Kisi Ladai Jhagre Ke Waqt Bohot Sare Log Zakhmi Hote He, Or Unki Jan Bachane Ke Liye Un Sab Ko Khun Ka Injection Dena Zaruri Ho Jata He, Or Fir Usme Bhi Mariz Ke Khun Ka Group Or Jo Khun Chadhaya Jata He, Un Dono Khun Ka Group Ek Hona Zaruri Hota He, Warna Nafa Ke Bajaye Nuksan Ka Khatra He, Is Liye Achanak Pesh Aane Wali Zarurato Ke Liye Har Group Ka Stock Rakhna Bhi Zaruri Hota He, Fir Kam – Zyada Ki Mikdar Bhi Malum Nahi Hoti Is Liye Kafi Stock Rakhna Zaruri Hoga, Or Uska Ek Khazana Banana Bhi Zaruri Hoga, Jisko Aaj Kal Ki Zuban Me “Bank” Ka Name Diya Ja Sakta He.

Note: Ye Masla Usi Waqt He Jabke Khun Dene Wala Khushi Se De, Or Ye Kam Shariyat Ki Had Me Rehkar Kare To Bohot Zyada Sawab Ka Mustahik Bhi Hoga, Warna Khun Bechne Ki Ijazat Shariyat Me Nahi He, Isi Tarah Khun Kharidna Bhi Jaiz Nahi, Ha Majburi Me Kharidna Jaiz He Lekin Bechna Hargiz Jaiz Nahi,

[Mustafad Az : Muhaqqaq V Mudallal Jadeed Masail 1/714] [Jadeed Fiqhi Masail : 1/225] [ Kitabunnawazil : 16/215] [ Aapke Masail Or Unka Hal : 4 /342]

 

Mufti Bande ilahi Qureshi Gandevi

18/08/2017 Jum’aa

Did you find apk for android? You can find new Free Android Games and apps.

Leave a Reply

Top