Galati Se Imam Sahab Ke Bad Salam Fer Diya

Want create site? Find Free WordPress Themes and plugins.

ANNIDA ISLAMIC QUIZ

[03/11/2017]

Suwal: 

Jis Shakhs Ki Rakat
Chhut Gai He, Usne Galati
Se Imam Sahab Ke Salam
Ferne Ke Bad Salam Fer
Diya To Ab Wo Shakhs
Kya Kare.?

Jawab:
Sajda-E-Sahw Kare.

Lekin Is Masle Me Alag Alag Shakal He

(1)Imam Sahab Ke Salam Ferne Se Pehle Hi Salam Fer Diya.

(2) Imam Sahab Ke Sath Salam Fera.

(3) Imam Sahab Ke Salam Ke Bad Salam Fera.

Pehli 2 Shakal (1/2) Me Sajda E Sahw Wajib Nahi Hoga, Qk Abhi Wo Imam Sahab Ki Iqteda Me (Tabe) He. Or Mas’ala He Ke Muqtadi Se Jo Koi Galati Anjane Me Imam Sahab Ki Iqteda Me Hojaye To Koi Harj Nahi.

(3) Tisri Surat Me Sajda E Sahw Wajib Hoga, Qk Ab Wo Imam Sahab Ke Salam Ferte Hi Imam Sahab Se Alag Ho Chuka He, Ab Jo Galati Hogi Wo Muqtadi Ki Khudki Hogi.

“Salam Ke Bad” Kise Kehte He?

Imam Sahab Ne “Assalamu Alaikum w. w” Kaha, Assalamu” Ki Meem (م) Ke Bad Jo Salam Ferega Wo “Salam Ke Bad” Kaha Jayega.

Aksar Imam Sahab Ke Salam Ferne Ke Bad Hi Salam Fera Jata He, Is Liye Agar Aisi Galati Hojaye To Apni Namaz Mukammal Karke Akhir Me Sajda E Sahw Karle.

Note: Dono Taraf Salam Fera Ho Tab Bhi Sajda E Sahw Hi Karna He, Ha Namaz Ko Fasid Karne Wala Kam Ya Bat Hogai, To Ab Namaz Firse Lotani Hogi.

(Ye Mukammal Mas’ala Anjan Shakhs Ke Liye He, Janbujkar Karne Wale Ki Namaz Fasid Hojayegi, Yani Namaz Lotana Zaruri He.)

Fatawa Rahimiyah: 5/186

Fatawa Mahmudiyah: 6/550

Kifayat-Ul-Mufti: 3/434

Aapke Masail Or Unka Hal: 4/70

Taalim-Ul-Islam Mukammal: 115

Imdad-Ul-Fatawa: 2/394

✍(Mufti) Bande ilahi Qureshi Gandevi

Did you find apk for android? You can find new Free Android Games and apps.

Leave a Reply

Top